ဆရာမ သားခိုးလို့ မပြီးသေးဘူး

ဆရာမ သားခိုးလို့မပြီးသေးဘူး ---------------------------------------------- ထိုင်ရာကထ ထရာကလျှောက် ငါ့ခြေထောက်ဝယ် ဖိနပ်ရယ်ပါကာမှ တင့်တယ်လိမ့်မည်လေ။ ပညာရဲရင့်ပွဲလယ်တင့်ဖို့ ဆယ်တန်းခိုးချအောင်ခဲ့တာ ငါ ။ အဝေးသင်ကို ဘော့လ်ပင်ဘာဂျာခေါက်ထည့်၊ လိတ်ခိုးခဲ့တာငါ၊ ဆရာမခြင်းထဲ တစ်ယောက် ၃၀၀၀စုအပြင်ကျောင်းကြ ခိုးချပြီးဘွဲ့ရခဲ့တဲ့ငါ။ ကျောင်းပြီးတော့ Computer ၊ LCCI 1,2 ပြီးနေပြန်ခဲ့တယ်၊ ဒါနဲ့ ဆယ်စုနှစ်ကျော် မြန်ပြည်ကို အကြွေးဆပ်ရင်း.. အလုပ်တွေ အစုံလုပ်ခဲ့တယ်၊ မတိုးတက်ခဲ့တဲ့ငါ၊ တိုးတက်ခဲ့ရတဲ့ ၃၆ ဗိုက်ပူကိုသတိရရင်း... တစ်ချက်အမှားကို စောင့်ပြီး မင်းအောင်လှိုင်လို အာဏာသိမ်း ပုဒ်မ ဘာဂျာခေါက်ဖြီးလို့ ပြုံးပြုံးကြီးနေကာ ပြောလိုက်အုံးမယ် ဆရာမ သားခိုးလို့ပြီးသေးဘူးးးးး။ အဲ့လိုလုပ်ပြီး ခရိုနီတွေလိုကြိုးစားခဲ့ရင်... သေချာတယ် စည်ပင်မြေလဲငါ နှစ်၃၀ ငှားပြီး Shopping Mall ၊Hotel ကြီးတွေဆောက် ပြီးရင် ပြန်ငှားလို့ ပြန်ရောင်းလို့ လုပ်တက်ပါတယ် မ.အ.လ ရယ်။ ခရိုနီနဲ့ ဝန်ထမ်း လက်ဝါးခြင်းရိုက် တိုင်းပြည် အခွန်ဘဏ္ဍာ အိတ်ကပ်ထဲ မင်းတို့ထည့်ခဲ့လို့ပဲ လူဆင်းရဲသားနဲ့ မြန်မာပြည် အံဝင်ဂွင်ကျနေတာပဲလေ။ ဝန်ထမ်းဘဝနဲ့ အချိန်ကုန်ခဲ့တဲ့ငါကတော့ မတင့်တယ်တော့တဲ့ ငါ့ဂုဏ်သတင်းက ငါ့နောက်ကြောမှာ မြူတွေဆိုင်းလို့၊ မကြည်လင်တော့တဲ့ ငါ့အရိပ် ငါပြန်မကြည့်ပဲလျှောက်လာတာ အသက်တွေ ခေါက်ရိုးကျိုးခဲ့ပါရော့လား။ အော်... အခုမှပဲကြည့်မိတယ် ငါစီးလာတာ သူများဖိနပ်ပါလား။ # www.mhyawlintchin.blogspot.com

ငါ့ရဲ့ ဒီနေ့

ဒီနေ့မှာပေါ့ မိုးတွေမဲမဲ တိမ်တွေဆီက လျှက်ပန်းနွယ်တွေနဲ့ ရစ်သိုင်းအုပ်မိုင်း ထစ်ချုန်းသံပေးလို့ ကောင်းကင်ကြီးက မိုးတွေသွန်းချတော့မလိုလိုဖြစ်တည် လာခိုက်ပြေးမြင်မိတယ်၊ ချစ်သဲကညှာ မိုးချုန်းသံကြားရင် ကြောက်အားတွေကြီးကာ ငါ့ရင်ခွင်ထဲ တိုးဝေ့ခဲ့တဲ့မင်းကိုပေါ့၊ ဘယ်မှာလဲ သဲမိမိုးရယ် ရွာမယ် လာမယ် တွေ့ရတော့မယ် ဟန်ရေးပြင် မီးစိမ်းပြပြီးကာမှ ငါ့ရင်ခွင်ထဲ ဒီနေ့အတွက် နင့်ရဲ့စကားသံတွေကို ရွာမချခဲ့ဘူး Connection ကျလို့ဆိုတဲ့ ခေါင်းစဥ်အောက် ငါ့ မျှော်လင့်ချက်တို့ ကျပျောက်ခဲ့ရတယ် အဲ့ဒါဒီနေ့ ဒီနေ့မှာ ငါတစ်ယောက်တည်းမို့ပေါ့။

မျှော်လင့်ခြင်း မနက်ဖြန်

ခါးသက်ခြင်း ရင်ခွင်မှာ အဖော်မဲ့ လက်တစ်ဖက်နဲ့ ကိုယ့်ကိုကိုယ် ပြန်စမ်းကြည့်မိတယ်...။ လစ်ဟာနေတဲ့ ငါ့နှလုံးသားအောက် မျက်ရည်စက်တွေနဲ့ အသက်မဲ့နေခဲ့တဲ့ ငါတစ်ယေက် ။ မနက်ဖြန်ဆိုတဲ့ မျှော်လင့်ချက် နေခြည်ကို မျှော်ရင်း ပါးပေါ်က ကျလာတဲ့ နာကျင်ခြင်း ဝေဒနာ၊ မပြည့်စုံတဲ့ ဘဝအချို့အကွေ့တွေကို ရင်ဆိုင်ရင်း သက်ပြင်းချမိတယ်။ မနေ့ကငါ ဒီနေ့ငါ မတူညီ ခြားနားခြင်း လွမ်းရက်တွေအောက် အသက်မပျောက်အောင် ထိန်းရင်း ဒီနေ့အတွက်နေဝင်ခဲ့တယ်၊ မနက်ဖြန်ကို မျှော်ရင်းနဲ့ပေါ့။ #ကျော်ကြီး#